Како во Србија станаа јавни имињата на акционерите под 5%?

Ивана Колева

Медиумските дебати, силните лобирања во Парламентот и поддршката од регулаторот му донесоа поголема транспарентност на српското акционерство

Не е неостварлива целта една земја да го направи пазарот на капитал потранспарентен. Ниту пак е невозможна мисија објавувањето на акционерите под 5%, иако законот настојува „ситните“ акционери да бидат скриени од јавноста. Македонија може да фрли поглед кај соседите и да го следи примерот на Србија, каде што одамна имињата на малите акционери јавно се објавуваат на интернет-страницата на Централниот депозитар за хартии од вредност.

Во Србија долго време се водела „жестока борба“ за правата на малите акционери, а медиумските дебати, силните лобирања во Парламентот и поддршката од регулаторот на пазарот на капитал му донесоа поголема транспарентност на акционерството.

Милко Штимац, поранешниот претседател на Комисијата за хартии од вредност во Србија, вели дека со силно лобирање и медиумска поддршка успеале да ги откријат акционерите под 5%...