Македонија ќе го снабдува Балканот со ран зеленчук

Македонските раноградинари оваа пролет ќе ги снабдуваат земјите од регионот со свеж зеленчук. Како што пренесува српски Б92, како резултат на лошите временски услуви, огромните врнежи на снег и ниските температури Србија, Хрватска, Босна и Херцеговина оваа пролет ќе се соочат со недостиг од раноградинарски производи, а на сметка на тоа ќе се зголеми увозот на македонски производи во овие земји.

Како што пренесуваат српските медиуми, балканските држави се соочија со ниски температури и големи врнежи од снег, а како резултат на невремето беа уништени многу пластеници и оранжерии. Тоа ќе резултира со намалено производство на зеленчук.

Според српските земјоделци и аналитичари, единствена земја која помалку е погодена од невремето е Македонија, така што македонските производители на ран зеленчук ќе имаат најголема корист од ваквата ситуација.