(08.02) Компании што се одважија да отворат фабрики надвор од Македонија - Малку се лидери!

Маја Бајалска/Игор Петровски

Домашни компании што имаат свои трговски претставништва во странство и не е некоја реткост, но на прсти се бројат тие што инвестираат и во производни капацитети

„Ако не растеш, ќе пропаднеш“, е мотото на сите компании во светот што својот успех го должат, меѓу другото, и на постојаните инвестиции во нови капацитети, ширејќи се, покрај на домашниот, и на странските пазари. Оваа изјава често милуваат да ја кажат и многу македонски производители, сакајќи да покажат дека разбираат кој е кодот на успехот, но досега малкумина од нив се осмелија да направат фабрика, па макар и мала, во некоја земја од регионот, уште помалку, пак, некаде подалеку.
Домашни компании што имаат свои трговски претставништва во странство и не е некоја реткост, но на прсти се бројат оние што инвестираа и во производни капацитети. Како причини за неотворање своја фабрика, бизнисмените наведуваат неможност да обезбедат банкарски кредити, бирократија и корупција во земјите каде што се заинтересирани да инвестираат, недоволна поддршка од матичната држава... Но, нас сега не нe интересираат причините за неинвестирање. Овојпат ќе се занимаваме со оние што повеќе дејствуваат, а помалку зборуваат.

Шефки Идризи, сопственикот на Ренова од Џепчиште, Тетово, уште во 1998 година регистрирал фирма во Албанија, но таа се занимавала само со продажба на нивните производи направени во фабриката во Македонија, поточно малтери, лепаци и останати материјали за градежништво...