(03.02) Гувернерот ја преполови владината проекција за раст - НБМ 2,4% vs. Влада 4,5%
Побарувачката за македонски производи во странство годинава драматично ќе опадне и тоа ќе го забави порастот на економијата до 2,4%. Ова се прогнозите што произлегуваат од најновите анализи на Народната банка за економските остварувања на земјата во време кога Европа се соочува со тешка криза и опасност од нова рецесија. Како резултат на продлабочувањето на кризата кај најголемите трговски партнери на Македонија, нето извозот од земјата годинава ќе падне, а единствен двигател на економијата се очекува да биде домашната побарувачка.
Народната банка ги идентификуваше сите ризици со кои што се соочува Македонија од еврокризата и предупреди дека неизвесноста во Европа создава опасни ризици за уште поголемо забавување на економијата.
“Најголемите трговски партнери на Македонија добиваат понегативни оценки за економскиот раст годинава, растот во Германија и Србија е ревидиран надолу, додека пак Грција уште подлабоко заглавува во рецесија. Целата еврозона се очекува дека ќе влезе во рецесија со пад на економијата од 1%. Во такви услови, релано е да се очекува дека македонската економија ќе оставри раст од 2,4%, но сепак ризиците за дополнителни надолни ревизии на оваа проекција се нагласени“, изјави гувернерот на НБМ, Димитар Богов.
Иако гувернерот ја преполови владината проекција за раст од 4,5%, засега Владата останува на сопствените прогнози. Министерот за финансии Зоран Ставрески изјави дека не ги коментира проекциите на Народната банка...
Целиот текст може да го прочитате ТУКА.