За Ставрески не се проблем 12-те советници на премиерот, обезбедил пари!

Максим Ристески

Министерот за финансии како позитивен гест го оценува огласот за дури 12 нови советници за премиерот, зашто така се опкружувал со компетентни луѓе кои ќе му помогнат на поинформиран начин да ги носи одлуките. Досега Груевски не беше информиран? Колку советници досега се ангажираа?

За вицепремиерот и министер за финансии, Зоран Ставрески, не претставува проблем тоа што премиерот, Никола Груевски, ќе вработи 12 лични советници за области со кои се „дуплираат“ министерските ресори, зашто во Буџетот биле предвидени плати за советниците:

„Постапката за ангажирање на 12-те советници на премиерот се одвива согласно со законите и во Буџетот се обезбедини средства за оваа цел. Во европските земји ова се смета за особено позитивен гест, зашто премиерот се опкружува со компетентни луѓе кои ќе му помогнат на поинформиран начин да ги носи одлуките“, одговори Ставрески на пратеничкото прашање поставено од пратеникот на СДСМ, Јани Макрадули...