Груевски не го остава спорот за името на вицепремиерите!

Катерина Синадиновска

Македонскиот вицепремиер, Теута Арифи, ја искористи средбата со колегата Теодорос Пангалос во Атина за да пренесе писмо од премиерот Никола Груевски до грчкиот премиер, Лукас Пападимос. Арифи и Пангалос не зборувале за спорот за името - ова прашање Груевски сака да го отвори на највисоко ниво

Премиерот Никола Груевски ја искористи посетата на својата заменичка, Теута Арифи, на Атина и нејзината средба со колегата Теодорос Пангалос за да прати писмо до грчкиот премиер, Лукас Пападимос. Груевски го кани Пападимос на средба, што е можно побрзо за да се затоплат партнерските и пријателските односи меѓу двете земји.

„Вакви односи се трудиме да градиме преку најразлични иницијативи за заедничка соработка со нашите соседи преку одделни теми, проекти, планови, како и преку воспоставување квалитетен и одговорен дијалог на сите нивоа каде што е возможно. Токму во духот на градењето на добрососедските односи постои неопходност од одржување заемен директен дијалог на највисоко ниво и меѓу нашите две држави, а посебно при случаи кога постојат прашања кои се отворени и чие решение треба да биде од заемен интерес“, пишува премиерот Груевски.

Груевски бара средба со Пападимос, во Атина, во Скопје или кај било за да разговараат за европските и за евроатлантските интеграции на Македонија...