Епл победи во спорот со ХТЦ

Меѓународната трговска комисија донесе одлука во полза на информатичкиот гиган „Епл“ во спорот со тајванската компанија ХТЦ, која ја обвини американската корпорација за кршење на правата на интелектуална сопственост за пет нејзини патенти поврзани со начинот на бирање на телефонските броеви и со батериите вградени во мобилните апарати.

Спорот започна пред две години кога ХТЦ побара судска забрана за продажба на телефоните „ајфон“ на „Епл“ на целата територија на САД. Подцна тужбата беше проширена и со забрана за продажба на таблет уредот „ајпед“, како и на одредени модели на плеерот „ајпод“.ХТЦ е еден од водечките производители на „смартфони“ во светот, кои го користат оперативниот систем „Андроид“ на „Гугл“.