Зелик заминува од функцијата во јуни
Претседателот на Светската банка Роберт Зелик денеска изјави дека ќе ја напушти функцијата на 30 јуни, кога му истекува петгодишниот мандат.
Зелик за одлуката го известил и бордот на извршни директори на Светската банка.Банката сега е силна, здрава и добро позиционирана за нови предизвици и природно е да продолжам понатаму и да го поддржам новото раководство, истакна Зелик.
Тој на чело на СБ дојде во јули 2007 година, а претходно беше заменик на американскиот државен секретар во 2005 и 2006 година.Се уште не е познато кој ќе го замени Зелик, иако традиционално на чело на СБ е Американец.