Мит Ромни најверојатен противкандидат на Барак Обама
Поранешниот гувернер на Масачусетс, Мит Ромни откако убедливо го победи Њурт Гингрич на прелиминарните избори во Флорида, освојувајќи 46 % од гласовите, уште повеќе се приближи до номинацијата за кандидат на републиканците на претседателските избори во САД.
Еден од знаците дека Ромни се приближува кон освојувањето на републиканската номинација е и одлуката на безбедносните служби следните неколку дена да му доделат придружба на Тајната служба.
Сенаторот од Републиканската партија Марко Рубио, претходно изјави дека победникот на изборите во Флорида ќе биде претседателски кандидат на републиканците на ноемвриските избори.