Нафтата поевтина поради загриженоста околу еврозоната
Суровата нафта утрово на берзата во Њујорк поевтини додека пазарите го очекуваат резултатот од денешниот самит на ЕУ во Брисел околу решението за проблемот со должничката криза во еврозоната.
Цената на американската „лесна“ нафта на Њујоршката берза се намали за 51 цент на 99,05 долари за барел, додека истовремено европската нафта „брент“ на Меѓународната берза во Лондон поевтини за 40 центи и достигна 111,06 долари за барел.
Најважниот фактор кој моментално влијае на цената на нафтата е должничката криза во Европа и резултатот од денешниот самит во Брисел, изјави аналитичарот на сингапурската консултантска фирма „Первин енд Герц“ Виктор Шам.