Кина позајмува повеќе отколку Светската банка
Во изминатите неколку години, делегации од големите кинески банки крстосуваат низ светот, потпишувајќи купишта договори вредни повеќе милијарди долари со некои од најсиромашните земји во светот.
Минатата година Кина му позајми на светот во развој повеќе отколку самата Светска банка, вели Џејми Мецл од американската организација Азиско општество. - Влијанието на Кина е големо, и расте и станува критички важно.
Како секогаш спремен позајмувач на кредити за сиромашните влади, кинескиот јуан го заменува доларот на Светската банка како кеш во изградбата на нови патишта, електрани, болници и на друга инфраструктура.