Замената на грчки обврзници најверојатно на 12 март
Замената на грчки обврзници во сопственост на приватни инвеститори се очекува на 12 март, изјави неименуван претставник на грчкото Министерство за финансии. Тој наведе дека одговорите на приватните инвеститори на понудата за замена на обврзниците ќе бидат разгледани на 9 март за да се утврди дали најмалку 66 % приватни сопственици на грчки обврзници сакаат замена.
Грчкото Министерство за финансии претходно соопшти дека владата во парламентот ќе достави предлог закони кои ќе вклучуваат клаузула за колективна акција со што неодлучните инвеститори би биле приморани да учествуваат во замена.