Хрватските млекари обвинуваат дека „Дукат“ ги уценува

Хрватските производители на млеко, кои веќе една недела протестираат поради намалување на откупната цена на млекото за околу 0,06 евра, односно на 0,3 евра, денеска се спречени во намерата да дојдат до зградата на Саборот. Тие истовремено обвинуваат дека Млекарницата „Дукат“ ги уценува да потпишат нови договори за откуп на Млеко, пренесува хрватскиот магазин Банка.

Ако не се случат некакви промени во секторот на млекарството, хрватските производители сигурно ќе пропаднат и нема да ја доживеат ЕУ, изјавија млекарите од Сојузот на здружението на производителите на млеко, кои бараат да им се врати европскиот просек од 2,70 куни за литар млеко, бидејќи квалитетот на млекото е европски.Млекарите и понатаму инсистираат на состанок со министерот за земјоделство Тихомир Јаковина.