Јанша ја претстави програмата на владата и најави буџетски намалувања

Мандатарот за состав на новата словенечка влада Јанез Јанша ја претстави денеска програмата за работа на идната Влада и најави сериозни буџетски скратувања и намалување на јавната потрошувачка.

Намалувањата оваа и следната година ќе изнесуваат околу десет отсто бидејќи буџетскиот дефицит повеќе нема да може да се финансира со задолжување, рече Јанша на вонредна седница на Парламентот, кој доцна попладнево ќе гласа за именување на неговата коалициска Влада која ќе има 12 министри.

Тој најави дека Владата со намалување на државниот апарат и буџетските сктарувања ќе спроведе економска политика заснована на стимулирање на инвестициите и претприемништвото со цел отворање нови работни места и намалување на високата невработеност.

Приоритет ќе биде и „санација на банкарскиот систем“, за тој повторно да може да ја сервисира економијата.