Мнозинство Словенци незадоволни од изборот на Јанша за премиер

Мнозинство Словенци се незадоволни од изборот на лидерот на Словенечката демократска партија Јанез Јанша за премиер, се вели во резултати од анкета на Дело. Спроед анкетата, 52,8 % се незадоволни од изборот на Јанша за претседател на Владата.

Најмногу незадоволни има меѓу младите и лица постари од 66 години. Најмногу незадоволни, кога станува збор за политички партии, има меѓу приврзаниците на Позитивна Словенија на Зоран Јанковиќ, (97 % анкетирани) и Социјалдемократите на Борис Пахор (86 %). Меѓу оние кои се нзадоволни со тој избор се и гласачи на Граѓанската листа (71 %) која е во новата коалициска влада на Јанша.

На парламентарните избори одржани на 4 декември најмногу места во парламентот освоија од Позитивна Словенија - 28 од вкупно 90, но Јанковиќ не успеа да обезбеди доволна поддршка за премиер. Словенечката демократска партија на Јанша беше втора со 26 пратенички мандати, и благодарение на соработката со четири партии од десниот центар, доби поддршка од 52 пратеника.