Нема нов кредит за Грција без дополнителни економски мерки

Грчката Влада треба да спроведе дополнителни економски мерки во износ од 4,5 милијарди евра за да склучи нова спогодба за кредит со Европската унија (ЕУ) и Меѓународниот монетарен фонд (ММФ), соопшти грчкото Министерство за финании.

Министерството нагласи дека во текот на преговорите кои во моментов се водат со тројката меѓународните кредитори, ЕУ, Европската централна банка (ЕЦБ) и ММФ се разгледуваат и нови економски мерки со кои треба да се компензира реализирањето на финансиските цели, содржани во државниот буџет за минатата година.

Мерките ќе бидат вклучени во меморандумот, кој треба да биде претставен пред министрите за финансии од еврозоната на состанокот во рамки на Еврогрупата, следниот понеделеник.