Се одлага спојувањето на грчките „Евробанк“ и „Алфа Банк“?

Грчките банки „Евробанк“ и „Алфа Банк“ предупредија дека е можно да го одложат нивното спојување поради ќорсокакот во кои западнаа преговорите меѓу Грција и приватните кредитори околу државните обврзници. Во соопштението на банките се посочува дека засега „не можат да дадат точен план“ за процесот на спојување, кое беше најавено уште лани во август.

Грчкото Министерство за финансии соопшти дека е изнеандено од ваквата најава на двете банки од причина што преговорите со приватните кредитори „не создаваат ништо ново или поразлично“ што би влијаело врз условите кои ги утврдија „Евробанк“ и „Алфа Банк“ при договорањето на нивното спојување.Со спојувањето на „Евробанк“ и „Алфа Банк“ би требало да се формира најголемата банка во Грција.