Венизелос смета дека ќе се постигне договор за опростување на грчкиот долг

Грчкиот министер за финансии Евангелос Венизелос смета дека неговата земја ќе успее да постигне зделка со приватните кредитори за намалување на долгот и покрај строгите рокови, поставени од партнерите од еврозоната.

Венизелос изјави денеска дека Грција доби зелено светло од еврогрупата да ја финализира зделката со приватниот сектор во следните неколку дена. Грција преговара со приватните кредитори за размена на обврзници со нови со пониска вредност и камати.

Министрите за финансии од еврозоната вчера решија каматните проценти врз новите обврзници да бидат под четири проценти што е помалку отколку што би сакале приватните кредитори.Размената ќе ја намали вредноста на грчките обврзници на половина, што ќе се изрази во отпишување на околу 100 милијарди евра од долгот и одложување на плаќањата