Меркатор се откажува од преземање на Пивоварна Лашко
Управниот одбор на најголемиот словенечки трговски ланец Меркатор, одлучи да се откаже од понудата за преземање на Пивоварна Лашко. Одлуката да се откаже од преземање Лашко, во чија сопственост се наоѓаат 23,34% од акциите на Меркатор, најстана најмногу заради големиот ризик од тешките услови кои акционерите на Пивоварна Лашко ги поставија.
Меркатор беше спремен да плати по 19 евра за акција на Пивоварна Лашко, додека акционерите бараа по 34 евра за акција. Многумина словенечки аналитичари и понатаму сметаат дека најавата за преземање на Пивоварна Лашко, Меркатор ја соопшти во обид да го спречи преземањето од страна на хрватскиот концерн Агрокор.