Словенечкиот претседател почнува разговори за нов премиер

Словенечкиот претседател Данило Тирк би требало денеска да започне разговори со претставниците на парламентарните партии за избор на нов премиер.Најголеми шанси да го добие мандатот за формирање нова коалициска влада има Зоран Јанковиќ, чија „Позитивна Словенија“ освои најмногу гласови на изборите на 4 декември, но и „други имиња се во игра“.

Партијата на Јанковиќ има 28 мандати во словенечкиот Парламент и тоа не е доволно за формирање парламентарно мнозинство, поради што ќе мора да направи коалиција.Единствената партија за која се верува дека најверојатно ќе стапи во коалиција со Јанковиќ е Социјалдемократската партија на премиерот во заминување Борут Пахор, но и тогаш ќе имаат 30 пратенички места во Парламентот, кој има вкупно 90 пратеници.

Јанковиќ за три недели од одржувањето на изборите направи консултации со сите партии, освен со Словенечката демократска партија на Јанез Јанша, но се уште нема најави за формирање коалиција.