Српската влада го призна либискиот Преоден национален совет
Владата во Белград го прифати заклучокот за потребата Преодниот национален совет да биде признаен за легитимен претставник на либискиот народ, објави денеска белградскиот весник „Вечерње новости“.
Весникот под наслов „Српската влада ги призна бунтовниците во Либија“ наведува дека претходно постоеле шпекулации дека Гадафи би можел да побара азил во Хрватска или Србија.
Знамето на либиските бунтовници во вторникот беше издигнато на амбасадата во Либија во Белград. Досега над 40 земји во светот го признаа Преодниот национален совет на Либија.