Црна Гора без царина ќе извезува за Русија

Преговорите помеѓу Подгорица и властите во Москва за двонасочна либерализација на трговијата меѓу Црна Гора и Русија се при крај, објавува весникот Победа. Безцаринската трговија со Русија според црногорските власти треба да биде возможна до крајот на годинава што е период доволен да се решат техничките парашања.

Според моментално важечкиот договор извозот на земјоделско прехранбени производи од Русија во Црна Гора е бесцарински што не важи и за Црногорските производи во спротивна насока. Овој меѓудржавен договор важи уште од 2001 та година или од времето кога Црна Гора беше во составот на СРЈ.Новиот договор се предвидува да ги опфати покрај прехранбените и кондиторските, производите од дрвната индустрија и градежништвото.