Грчките акции паднаа на најниско ниво во последните 14 години
Акциите на Атинската берза паднаа вчера на најниското ниво во последните 14 години, додека главниот индекс на берзата се спушти под психолошката граница од 1.000 поени, откако финансиските пазари и натаму се шокирани од намалување на рејтингот на САД поради долгот.
Индексот на грчката берза се намали за 6%, на 998,24 поени, што е негово најниско ниво од јануари 1997 година. Таквиот пад значително е поголем отколку на другите финансиски пазари во Европа.Презадолжената Грција стана прва земја на ЕУ која побара меѓународна финансиска помош минатата година, за да потоа и се придружат Португалија и Ирска.