Косово забрани увоз од Србија и воведе царина на стоки од БиХ
Косовските власти најавија дека забраниле увоз на стоки од Србија и вовеле царина од 10% за производите по потекло од Босна и Херцеговина, како одговор на блокадите што двете земји ги прават на извозот на стоки од Косово.
“Ние нема да ги признаваме српските царинските печати и сите стоки од Србија ќе бидат враќани назад“, изјави косовскиот министер за трговија Мимоза Кусари-Лила, додавајќи дека оваа одлука стапи од вчера.
Таа нагласи дека од прогласувањето на независноста на Косово во февруари 2008 година, Србија и Босна и Херцеговина не дозволуваат влез на косовски стоки на нивна територија и ги враќаат назад.