Бил Клинтон ќе и помогне на Грција?!

Поранешниот американски претседател Бил Клинтон изјави во Вашингтон на средба со Грци, кои живеат во САД дека ги поддржува напорите на Грција за излез од економската криза.Тој порача дека ќе стори се што е во негова моќ за да и помогне на Грција да застане на свои нозе и додаде дека тоа треба да го стори секоја држава во светот.

"Со исклучок на претседателот Хари Труман, кој е одговорен за планот Маршал, со кој и се помогна на Грција во обновувањето по Втората светска војна, Бил Клинтон го надмина секој друг американски претседател од гледна точка на постигнатото за поддршка на елинизмот и православието, а неговата сопруга, сегашниот американски државен секретар Хилари Клинтон исто така помогна за претставувањето на тие проблеми во САД, кога беше прва дама", изјави Дејвид Леопулос, пријател од детството на Бил Клинтон, на вечерата во Вашингтон, која беше организирана од фондацијата на грчката заедница во САД (ТХЕА).