Ројал Фрисланд Кампина ја презема ИМБ Млекара А.Д. Битола
Холандската компанија Фрисланд Кампина и Салфорд Капитал Партнерс потпишаа меморандум за разбирање, за аквизиција на компаниите Имлек А.Д Белград и Млекара А.Д. Суботица. Имлек А.Д. Белград е сопственик на ИМБ Млекара А.Д. Битола.
Со аквизицијата, компанијата Фрисланд Кампина планира да ја прошири активноста на подрачјето на западен Балкан. Салфорд Капитал Партнерс е мнозинскиот акционер со приближно 79% од акциите во Имлек и 82% од акциите во Млекара Суботица. Фрисланд Кампина има намера да ги откупи и преостанатите акции.
Ова ќе е прва позначајна аквизиција на Ројал Фрисланд Кампина после спојувањето на компаниите Фрисланд Фудс и Кампина во 2008 година.