Претседавачот со Претседателството на БиХ, Жељко Комшиќ во официјална посета на Македонија
Претседателот на Република Македонија Ѓорге Иванов денеска и утре е домаќин на Претседавачот со Претседателството на Босна и Херцеговина Жељко Комшиќ кој ќе престојува во официјална посета на Република Македонија.
По официјалната церемонија за дочекот со највисоки државни и воени почести, Иванов и Комшиќ ќе имаат тет-а-тет средба.
Како што соопшти Кабинетот на претседателот Иванов, предвидени се и официјални разговори, како и пленарен состанок на високите делегации од двете земји.