ГМ и Пежо заедно ќе произведуваат автомобили за европскиот пазар
Француската компанија ПСА Пежо Цитроен и американскиот автомобилски гигант Џенерал Моторс (ГМ) се во напредни преговори за создавање алијанса преку која со здружени сили ќе произведуваат автомобили и делови за автомобили во Европа, објави вчера лондонски Фајненшал Тајмс.
Доколку се договорат за партнерство, Пежо и подружницата на ГМ во Европа, Опел, заедно ќе развиваат мотори, преносни системи и автомобили кои ќе се продаваат под нивните брендови. Компаниите сеуште не потпишале никаков договор, но преговорите продолжуваат, а целосната стратегија на компаниите ќе биде објавена на почетокот од март, пренесува весникот.