Расте довербата на германските инвеститори
Довербата на германските инвеститори значително се зголеми во февруари, покажа внимателно следената анкета на германскиот Институт за економски истражувања ZEW, што е знак дека најголемото европско стопанство ќе излезе од кризата во еврозоната со релативно мали последици.
Индексот на економските очекувања на германскиот Институт скокна во февруари за изненадувачки 27 поени и сега изнесува 5,4 поени, што е највисоко ниво од април 2011 година, а индексот исто така за прв пат е позитивен од мај минатата година, наведе ZEW.