Франција повикува воведување на данок на „Гугл“

Француската федерација на телекомуникациски оператори (ФТТ) повика денеска на воведување данок на странските компании, како што е „Гугл“, кои имаат корист од француската инфраструктура.

Федерацијата на телекомуникациски оператори истакна дека нејзините членови се „претерано оданочувани“ и побара „фискална правда“, се наведува во соопштението кое е објавено за време на конференцијата за дигитално оданочување.

Останатите дигитални учесници, особено глобалните веб учесници кои имаат корист од квалитетот на француската инфраструктура, во голема мера ги избегнуваат своите фискални обврски благодарение на даночните засолништа, особено во Ирска и во Луксембург, се наведува во соопштението.