Стандард енд Пурс најави намалување на кредитниот рејтинг на Фиат

Рејтинг агенцијата Стандард енд Пурс денеска се закани дека ќе ја намали кредитната способност на италијанската компанија Фиат, поради намалената продажба во Европа и Бразил, како и поради големата зависност на компанијата на американскиот партнер Крајслер.

Акциите на италијанскиот автомобилски гигант нагло се намалија по соопштението на рејтинг агенцијата за 3,26 %, на 4,51 евро, додека индексот ФТСЕ на берзата во Милано се намали за 0,94 %. Фиат е една од најзначајните компании во вкупната италијанска индустрија. Стандард енд Пурс смета дека намалувањето на побарувачката на европскиот пазар на автомобили, особено во Италија, најверојатно ќе влијае на падот на профитот и приливот на свеж капитал во Фиат.

Истовремено, најголемиот пазар на Фиат, Бразил е центар на се поголема конкуренција што го поткопува водечкиот удел на компанијата на пазарот, се наведува во соопштението. Агенцијата верува дека поради таквата економска состојба ќе се влошат и работните перформанси на Фиат во 2012-та година. Стандард енд Пурс долгорочниот рејтинг на Фиат го одреди на „ББ“, исто како и рејтингот на необезбедените хартии од вредност со негативни перспективи.