Меркел повика за зголемување на инвестиции на Германија во Грција

Германскиот канцелар Ангела Меркел вети дека Германија ќе ја поддржува Грција, која се бори со својата должничка криза и ги повика германските компании да инвестираат во таа земја со цел да и помогнат да се избори со кризата.

Меркел на прес-конференција еден ден откако лидерите на Европската унија и приватните кредитори договорија нов пакет помош за Грција вреден 159 милијади евра, истакна дека е уверена оти оваа држава може да закрепне.

Таа ги поздрави напорите на грчкиот премиер Јоргос Папандреу за спроведување на реформи, вклучувајќи ги и мерките за штедење, кои имаат за цел да се намали големиот долг на Атина. “Верувам дека таа земја може да оствари успех и јас ќе ја вложат сета моја енергија за да и пружам поддршка“, рече Меркел.Германија дава најголем индивидуален придонес во пакетот за спас на Грција.